Бразилците во шок, навивачка на Палмеираш почина откако била погодена со шише пред стадион

Бразилската јавност е шокирана од информацијата дека 23-годишна девојка починала од повредите заработени пред почетокот на натпреварот меѓу Палмеираш и Фламенго.

Габриела Анели била голем фан на Палмеираш и се ноаѓала пред стадионот во Сао Пауло, кога била погодена со стаклено шише од непознато лице, кое очигледно учествувало во тепачка меѓу двете навивачки групи.

Анели по инцидентот веднаш била префрлена во болница, но расекотините на вратот се покажале како кобни и лекарите не успеале да го спасат нејзиниот живот.

Бразилската фудбалска конфедерација најави сериозни чекори за избегнување вакви инциденти, а сите натпревари од претстојното коло ќе започнат со минута молчење во чест на Анели.

Полицијата информираше дека го уапсила виновникот за смртта на девојката и тој ќе добие соодветно обвинение.