Братот на Рашфорд уапсен поради домашно насилство во Мајами

Маркус Рашфорд заработи црвен картон на гостувањето на Манчестер Јунајтед во Копенхаген, а неговиот тим во продолжение од средбата остана со празни раце и покрај солидната предност.

Тоа не била единствената лоша вест во фамилијата на англискиот репрезентативец во текот на изминатата ноќ, бидејќи истата морала да се соочи со фактот што британските таблоиди дојдоа до информација за апсење на неговиот брат Дејн Рашфорд, кое се случило минатиот месец.

Постариот брат и агент на Маркус бил уапсен на 20. октомври во Мајами, поради физички напад над партнерката со која бил на одмор на Флорида.

Дејн треба да се појави на судење на 27. ноември, но полицијата сега не знае каде е лоциран бидејќи добил можност да се брани од слобода.

Фудбалерот на Јунајтед неодамна потпиша нов договор со „црвените ѓаволи“, а покрај Дејн, негов агент е и вториот брат Двејн Мејнард.