Борусија се „откажа“ од Реина, два клуба во битка за потписот на Американецот

Борусија Дортмунд го врати Џејдон Санчо во своите редови во актуелниот преоден рок, а очигледно е подготвена да се откаже од услугите на Џовани Реина.

Американскиот репрезентативец и самиот не е задоволен од минутажата која ја добива во редовите на бундеслигашот, па посакува средина во која ќе може почесто да биде на теренот, а во игра се Нотингем Форест и Олимпик Марсеј.

Медиумите првично објавија за напредни преговори со премиерлигашот, кој побарал и клаузула за откупување на договорот по крајот на сезоната, но сега мала предност имаат Французите.

Реина сега треба да донесе конечна одлука и тоа да го потврди со Борусија, а германскиот клуб како приоритет ја има поставено сумата за откупување на договорот, бидејќи соработката со Реина е договорена до јуни 2025 година.

Сезонава, Американецот забележа само 13 настапи во Бундеслигата за „милионерите“.