Бомбата на Атанасов недоволна за Хајдук, Адеми го најави пресвртот на Динамо (Видео)

Хрватското дерби меѓу Динамо и Хајдук вечерва им припадна на домаќините, кои мораа да прават пресврт во вториот дел за конечни 4:1.

Хајдук поведе во финишот на првиот дел и тоа со голот на македонскиот репрезентативец Јани Атанасов, кој испрати вистинска бомба во мрежата на актуелниот првак.

Голот можете да го видите на следниот ЛИНК

Гостите од Сплит водеа до 61. минута кога Динамо израмни преку Батурина, а три минути подоцна Аријан Адеми го најави пресвртот на „модрите“.

Вториот наш репрезентативец кој погоди на „Максимир“ го доведе Динамо до прво водство, додека Гојак во 84. минута на асистенција на Стефан Ристовски ја потврди победата, која до крајот беше заокружена преку Оршиќ за конечни 4:1.