Биелса лут по скандалот во полуфиналето: Фудбалерите заслужуваат извинување, а не казни

Полуфиналето на Копа Америка меѓу Уругвај и Колумбија заврши со физичка пресметка на трибините, во која учествуваа дел од уругвајските репрезентативци.

Тие тргнале да ги одбранат членовите на своите фамилии кои биле нападнати од колумбиски фанови, при што беше предизвикан инцидент за кој сигурно ќе има и дисциплинска постапка.

Уругвајскиот селектор, Марсело Биелса, чија репрезентација доживеа пораз на таа средба е лут на организаторите и побара извинување, а не казни за своите репрезентативци.

– Како да не ја одбраниш својата мајка, сестра, дете?

– Санкции треба да има, но не за фудбалерите, туку за оние кои ги принудија да реагираат на таков начин. Ова е лов на вештерки и вистинска срамота.

– Се наоѓаме во САД, земја на безбедноста, треба да ме прашате дали добивме извинување, а не дали се плашиме од санкции, – рекол Биелса за случувањата во Шарлот.