Берарди во конфликт со Сасуоло, нема да биде во составот за првото коло во Серија А

Доменико Берарди решил дека е време да го напушти Сасуоло и инсистира на трансфер во редовите на Јувентус, но ваквата идеја му донесе недоразбирање и конфликт со раководството на актуелниот клуб.

Берарди долго време настапува за Сасуоло и веројатно очекуваше клубот да не му прави проблеми кога ќе реши да замине, но новиот договор кој го потпиша и трае до 2027 година му дава предност на раководството во актуелните преговори.

Сасуоло наводно бара 30 милиони, Јувентус не е подготвен да понуди повеќе од 20 милиони евра, додека Берарди се искарал со претпоставените и тренира сам и изолиран од првиот тим.

Првата ѕвезда сигурно ќе го пропушти дуелот со Аталанта, а големите се шансите да не настапи и на следниот натпревар на својата екипа.

Јувентус веројатно ќе се обиде да дојде до компромис со формула за заем и откупување на договорот по две години, но засега е нејасно дали тоа ќе биде прифатено од другата страна.