Барселона пресилна за Алба, Фенербахче го доби дербито во Грција

Барселона ја продолжи победничката серија во кошаркарската Евролига, победувајќи го аутсајдерот Алба на домашен терен (80:67).

Германскиот тим одигра солидно во првиот период кој го доби со резултат 22:23, но Барселона возврати за водство на полувреме, а конечнит удар го зададе во последната четвртина, во која домаќините примија само 9 поени.

Миротиќ со 26 и Ориола со 13 поени беа предводници на Барса која стигна до 23. победа, со што останува на врвот на табелата.

Претходно, дербито во Пиреја меѓу Олимпијакос и Фенербахче им припадна на гостите (71:76), а откако турскиот клуб уште на полувреме водеше со 16 поени разлика.

Фенербахче одржуваше водство во текот на целиот дуел и рутински стигна до важната победа, предводен од Весели со 18 и Пјер со 15 поени.

Претходно, Басконија славеше убедливо против Милано со 86:69, додека Зенит го доби руското дерби против Химки со 70:91.