Атанасијевиќ: Не се откажуваме, ќе одиграме на ниво со Фуксе Берлин

Еурофарм Пелистер им се враќа на обврските во Лигата на шампионите, а предизвикот во 13. претпоследно коло од групната фаза е тимот на Фуксе Берлин.

Фуксе е еден од најдобрите германски клубови, тим кој се уште има шанса за директен пласман во четвртфиналето и сигурно ќе има мотивација да го добие овој дуел, ама и битолчани имаат свој мотув за позитивен резултат за место во нокаут фазата.

Првата средба „лисиците“ ја решија во своја полза со 30:22, но ова е друг меч, друг терен и од Пелистер најавуваат дека ќе го дадат максимумот за да се претстават во најдобро светло.

-Имаме тежок распоред и немаме ден за одмор. Сепак, од прв до последен даваме максимум. Доаѓа Фуксе Берлин и пак ќе бидеме на висината на задачата. Тие се одлична екипа, имаат светски ѕвезди и одиме во Берлин да се обидеме да победиме. Тренерот ќе постави тактика во одбраната и нападот и мислам дека ќе одиграме на ниво. Не се откажуваме, играме до последна минута и тоа е карактеристика која нè краси. Никој не може лесно да нè победи. Сите сме мотивирани, нешто посебно игра во нашите тела и нема замар. Одиме чекор по чекор. Прво Фуксе Берлин, па потоа ПСЖ, -порача Павле Атанасијевиќ.

Алонсо пред соочувањето со „лисиците“: Го имаат најдобриот светски ракометар, но…