Алкарас и Синер без драма до следната рунда, пораз за шестиот носител на Мастерсот во Шангај

Светската тениска елита наредниов период ќе биде фокусирана на Мастерсот во Шангај, а денеска својот прв настап го имаа дел од главните фаворити за трофејот.

Карлос Алкарас прв се појави на теренот и рутински го совлада домашниот адут Јунченг Шанг, додека Јаник Синер го совлада Таро Даниел исто така без многу драма и во два сета.

Алкарас го доби дуелот со Шанг со 6:2/6:2, додека Синер за слично време на теренот го победи јапонскиот ривал со 6:1/6:4 и очекувано се најде во следната рунда на престижниот турнир.

Првото изненадување го приреди чешкиот тенисер Јакуб Меншик, кој денеска го совлада шестиот носител Андреј Рубљов со 2:1 во сетови и ја потврди лошата форма на рускиот ривал.

Синер во следната рунда ќе се соочи со Аргентинецот Ечевери, третиот носител за противник го има кинескиот тенисер Ву, додека Меншик ќе има добри шанси за нов позитивен резултат во дуелот со Шевченко од Казахстан.