Алкарас го преслуша Нори и закажа полуфинале со Фриц на Вимблдон

Карлос Алкарас не загуби сет во дуелот со Камерон Нори и без никакви проблеми обезбеди полуфинале на Вимблдон.

Шпанскиот тенисер ја потврди фаворитската улога во дуелот со адутот на домашната публика, доминирајќи во најголем дел од мечот кој траеше нешто повеќе од деведесет минути.

Првиот сет беше решен експресно со 6:2, во вториот Нори покажа нешто повеќе одигрувајќи девет гејма во сетот кој траеше најдолго, а истиот резултат гласеше на семафорот и по третиот сет во кој сепак Шпанецот не се соочи со голем отпор од ривалот.

Следен противник на Алкарас ќе биде Тејлор Фриц, кој во првото четвртфинале го совлада Хачанов со 3:1 во сетови.

Утре ќе биде комплетиран вториот полуфинален пар по мечевите Синер-Шелтон и Ѓоковиќ-Коболји.