Ал Итихад го отпушти Нуно Сантош

Слабата резултатска серија означи крај на тренерскиот ангажман на Нуно Еспирито Сантош во редовите на Ал Итихад.

Клубот од Саудиска Арабија реши да му врачи отказ на португалскиот стручњак по неочекуваниот пораз од ирачки ривал во азиската Лига на шампионите, кој беше само продолжение на неубедливите резултати на екипата.

Ал Итихад е актуелен шампион на Саудиска Арабија, но досега има само шест победи на дванаесет натпревари и единаесет бодови заостанување зад лидерот Ал Хилал.

Досегашниот асистент Хасан Калифа привремено ќе го преземе водењето на тимот во кој играат ѕвезди како Бензема, Канте, Фабињо и други.

Сантош беше назначен за тренер на Ал Итихад во јули 2022 година, а медиумите шпекулираа дека не е во добри односи со Бензема, откако Французинот пристигна во Саудиска Арабија.