„А Бола“: Два европски великани заинтересирани за Бруно Фернандеш

Манчестер Јунајтед посакува да го задржи капитенот Бруно Фернандеш и за наредните сезони, но португалските медиуми тврдат дека две големи европски имиња стапиле во контакт со неговиот агент.

„А Бола“ објави информација дека покрај Баерн Минхен, заинтересирана за португалскиот репрезентативец е и Барселона, два клуба кои сигурно ќе бидат сериозен предизвик за Фернандеш доколку размислува за трансфер.

Заинтересираните сакале да знаат под кои услови Бруно би прифатил трансфер, а ситуацијата не е наивна бидејќи Португалецот има договор со Јунајтед до 2026 година.

Самиот фудбалер истакна дека би сакал да остане на „Олд Трафорд“, но под услов и клубот да ги исполни неговите очекувања во однос на трансферите и клупската политика, па тоа отвора пат за евентуални шпекулации.

Барселона полесно може да се откаже од ваква комбинација, бидејќи за Фернандеш би требало да плати 70 милиони евра, што не е мала сума со оглед на финансиската состојба во клубот.