Зрак на надеж за Арсенал, еден од најбогатите луѓе во светот сака да го купи клубот од Северен Лондон

Пред неколку денови во јавноста се појави информација дека ко-сопственикот на компанијата која се занимава со стриминг на музика „Спотифај“, Даниел Ек сака да го купи тимот на АРсенал.

Ваквите најави од медиумите добија потврда и од самиот Ек кој истакна дека е сериозен во намерата да го купи тимот од Северен Лондон.

– Многу сум сериозен, обезбедив средства за тоа и сакам да доставам добра понуда на сопствениците на клубот за кои се надевам дека ќе ме исслушаат. Не очекувам работата да биде готова преку ноќ и сум подготвен за долго патување, -изјави Даниел Ек.

Ко-основачот на „Спотифај“ според „Форбс“ има богатство од четири милијарди фунти, а во 2017 година бил избран и за една од највлијателните личности во светот.

Фановите на АРсенал пред неколку дена преку протест побараа заминување на актуелниот сопственик Стан Кроенке кој на крај би можел да подлегне под притисокот.