Зенит направи уште едно изненадување, „два од два“ за Милано (ВИДЕО)

Кошаркарите на Зенит направија уште едно изненадување во Евролигата, односно му земаа скалп на уште еден фаворит за пехарот во ова натпреварување.

На отварањето на сезоната составот од Русија славеше во Турција над Анадолу Ефес, додека пак сега ја доби Барселона пред своите гледачи со 74-70. Каталонците многу лошо ги одиграа завршните пет минути во кои влегоа со пет поени позитива (68-63), а тоа го искористија домаќините кои направија пресврт и ги израдуваа своите гледачи.

Берон и Појтрес со по 16 поени беа најефикасни, а одлична партија против довчерашната екипа имаше Пангос со 15 кошеви, 2 скока и 2 асистенции. Кај Барса листата на стрелци ја предводеше Миротиќ со 14 поени.

Армани Милано ја потврди улогата на фаворит и славеше над француски Асвел со 87-73. Италијанскиот прволигаш ги реши во своја полза сите четири четвртини и сосема заслужено дојде до втората победа во втората средба во Евролигата.

Пет играчи беа двоцифрени, најдобар беше Шилд со 17 кошеви. На спротивната страна Нуа беше автор на 12 поени.

Остати резултати:

Црвена Звезда-Басконија 90-73

Панатинаикос-Олимпијакос 71-78

Алба-Баерн М 72-90