Засилувањето Коџо проработи, „лавовите“ стигнаа до првата пролетна победа

Македонија Ѓорче Петров беше најпријатното изненадување во македонскиот шампионат во првиот дел од сезоната, а сега „лавовите“ во четвртиот обид успеаја да стигнат до првата победа во пролетниот дел од Првата македонскта фудбалска лига.

По двете реми средби со Струга и Борец и поразот од Академија Пандев, Ѓорче Петров ова попладне во единствениот натпревар во саботната програма успеа да слави минимална победа над екипата на Силекс.

Денеска, како клучно се покажа заслувањето кое дојде на место на фантастичниот Калид, напаѓачот Лудвиг Коџа кој го псотигна првиот и дебитантски гол во македонската фудбалска елита.

Новиот голгетер на „лавовите“ ја искористи својата шанса во првото полувреме и погоди за 1:0, што на крајот се покажа како конечен резултат на средбата во која Силекс не ги реализираше своите скромни прилики во вториот дел.

Со новите три бода, тимот од Ѓорче Петров стигна до 38-то бод во домашното првенство, два помалку од Шкупи кој утре игра против Работнички предводен од Влахо.