Вардар се „распука“ во второто полувреме и има отворен пат кон второто коло во КЛ!

Актуелниот освојувач на Купот на Македонија, Вардар успешно се врати во Европа и тоа со сигурен настап против Ла Фиорита во рамките на првото квалификациско коло во Конференциската лига на УЕФА.

„Црвено-црните“ не дозволија никакво изненадување и славеа со 3-0 со што е направен значаен чекор кон пласман во наредната рунда.

Избраниците на Седлоски можеа да постигнат и повеќе голови ако беа пофокусирани во завршницата на акциите, но исто така мора да се потенцира дека одличен на голот на гостите беше голманот Ѕаволи.

Вардар три гола ги даде во вториот дел за прва европска радост на клубот од 2018 година. Омерагиќ го отвори резултатот во 47 минута, потоа Мацоти си даде автогол во 66, додека во 68 Мато реализираше за 3-0.

Реваншот во Сан Марино е закажан за 17 јули.

Работнички разбиен од Торпедо, Силекс падна во Црна Гора (ВИДЕО)