Вардар повторно прими четири гола, Работнички е нов лидер во ПМФЛ

Составот на Вардар претрпе нов убедлив пораз во Првата македонска фудбалска лигата, овојпат од актуелниот шампион Струга Трим Љум кој славеше на националната арена „Тодор Проески“ во Скопје со 4-1.

Во претходната рунда „црвено-црните“ беа потопени од Шкендија со 4-0, а овие резултати и фактот што екипата има примено дури 19 гола по само 9 кола доволно говори за кризата која го тресе најтрофејниот македонски фудбалски клуб.

Камбери, Компаоре (2) и Кехинде стрелаа за победникот, додека Босанчиќ погоди за домаќините.

Работнички пак со славјете над Воска со головите на Регба и Мазари дојде до првото место во шампионатот.

Дуелите Силекс-Шкендија и Пелистер-Тиквеш не донесоа голови, Гостивар ремизираше со Беса (1-1), а пак Шкупи ја доби АП Брера со 3-1.