Вардар не погреши во Кавадарци и закажа финална битка за титулата во сабота

Вардар си ја одработи својата задача во претпоследното коло во Суперлигашка конкуренција и лесно го освои жешкиот терен во Кавадарци, па со тоа автоматски потврди дека битката за трофејот ќе се води во последната рунда.

Новиот шампион во Куп конкуренција победи на гостувањето со 22:32 и ја продолжи славеничката атмосфера од минатиот викенд, со која ќе влезе и во завршната пресметка со Еурофарм Пелистер следнава сабота.

Запишаната победа денеска значи дека Вардар ќе влезе со подобри калкулации на завршниот натпревар против актуелниот бранител на титулата, бидејќи на „црвено-црните“ ќе им одговара и реми за освојување на титулата.

Што се однесува до денешниот меч, Вардар диктираше и доминираше од почеток до самиот крај, што јасно става до знаење дека избраниците на Милано се максимално насочени кон мисијата наречена „двојна круна“.

Родригез со девет погодоци беше најефикасен ракометар во редовите на Вардар, Петриќ постигна три помалку, додека кај Тиквеш се исткана Атанасовски со шест гола.