Уште една голема ѕвезда им откажа на „триколорите“: Французите останаа и без Лесор за Евробаскетот

Матијас Лесор е уште една француска ѕвезда која нема да нстапи на претстојниот Евробаскет кој ќе започне на крајот на месец август, а ќе заврши на средина на месец септември.

Француската Федерација со официјално соопштение ја потврди оваа вест и станува се појасно дека „триколорите“ нема да имаат улога на фаворити на овој континентален собир, од едноставна причина што Лесор е третата ѕвезда која откажува.

Франција претходно информираше дека на претстојниот турнир нема да настапат и Руди Гобер и Виктор Вембенјнама, што значи дека најсилниот кошаркарски тим на оваа земја ќе биде сериозно ослабен под кошевите.

Во случајот на Лесор, со корпулентниот центар взаемно е донесена одлука да не се ризикува со настап на Европското првенство, бидејќи тој се уште чувствува последица од ужасната скршеница која ја имаше на крајот на 2024-та година.

Без носителите на играта, „триколорите“ се очекува да ги видиме во сосема поинакво светло на Евробаскетот, турнир од кој дел ќе биде и Жоан Макунду кој е избран како замена за Лесор.