Убав гест на Димитар и Вараждин: Митровски му ја исполни желбата на 11-годишниот Јан (ФОТО)

Македонскиот репрезентативец, Димитар Митровски и неговиот клуб Вараждин со еден убав потег, гест се најдоа во фокусот на хрватската јавност.

Имено Митровски му ја исполни желбата на неговиот голем фан, 11-г0дишниот Јан Вујновац кој на последниот лигашки меч се појави со транспарент во кој го побара дресот на нашиот фудбалер.

Димитар ова го забележа и побара од клубот да организира средба, средба која се случи и малиот Јан со солзи во очите го запозна фудбалскиот идол. Јан беше дел од тренингот на екипата, имаше можност да се сретне и фотографира со останатите играчи и доби спомен за цел живот.

-Оваа средба претставуваше се што е фудбалот: емоција и радост, -порачаа од Вараждин.