Спировски: Фаворити сме, ама тоа треба да го покажеме на терен

Започнува новото издание на Лигата на нации, а македонската фудбалска репрезентација на самиот старт ќе ги одмери силите со Ерменија и Грузија.

Првата е средбата со Ерменците која ја играме на 5 септември за да три дена подоцна им гостуваме на Грузијците. Ова се важни дуели за националниот состав, подготовка, генералка за тоа што наредниот месец следува во плејофот, полуфиналето со Косово.

Сепак се оди чекор, по чекор и фокусот сега е ставен на репрзентацијата на Ерменија со која во 2018 година имавме две битки во Лигата на нации, победа во Скопје и пораз во Ереван.

-Треба да го дадеме најдоброто од себе. Подготвени сме, фаворити сме, но тоа треба да го покажеме на терен. Да одиграме како што треба за дресот со националниот грб, -порача членот на АЕК Ларнака, Стефан Спировски.