Реал остана без значаен првотимец за битката против Челси

Пред шпанскиот шампион Реал Мадрид е полуфиналниот реванш против Челси во Лигата на шампионите, средба на која „кралевите“ ќе мора да дадат најмалку еден гол ако сакаат да дојдат до билет за финалето во елитното натпреварување.

Во исто време великанот од „Сантијаго Бернабеу“ ќе мора да внимава и на одбраната каде тренерот Зинедин Зидан дефинитивно нема да може да смета на уште еден стандарден првотимец Рафаел Варан. Варан се повреди на лигашката средба против Осасуна и нема да биде подготвен за „Стемфорд Бриџ“, а ќе биде неизвесен и за дербито против Севилја.

Од претходно недостапни се Лукас Васкез и Дани Карвахал, па Зидан одновно ќе мора да бара нови решенија за да ја комплетира дефанзивната линија. Позитивна вест е што Серхио Рамос и Ферлан Менди тренираа со групата што значи дефинитивно има шанса да добијат зелено светло за настап.

Дуелот Челси-Реал се игра во среда од 21 часот.