Ракометари од Алкалоид и Мулти Есенс дел од проектот на ЕХФ „Почитувај го својот талент“

Во период кога се уште актуелни се завршните случувања на ракометното Светско првенство, ЕХФ продолжи да организира настани поврзани за младинските категории, а дел од проектот овојпат беа и млади репрезентативци на Македонија.

Тројца македонски репрезентативци од РК Алкалоид и РК Мулти Есенс беа дел од проектот „Почитувај го својот талент“ кој е организиран од страна на ЕХФ, а во кој беа вклучени 30 талентирани ракометари од Европа.

Станува збор за играчи кои оставија силен печат на младинското Европско првенство во Црна Гора до 18 години, а дел од групата која се собра во Виена беа и Дамјан Митев, Марин Крстевски и Ѓорѓи Николовски.

Дел од проектот на ЕХФ во улога на ментори биле легендарните Ханс Лидберг, Љубомир Врањеш, Вид Кавтичник и Карлос Прието, а најактуелни теми на собирот биле нутриционизмот, управувањето со социјалните медиуми, анти-допинг политиката, двојните кариери, психошките подготовки и спортските закони.

– Сакам да стигнам до врвот, дефинитивно. Знам дека тоа е тешка задача, но има време и мислам дека сме на вистинскиот пат. Небото е граница, со советите што ги добивме од амбасадорите, сѐ е возможно. Тие ни ја раскажаа својата приказна и тоа ќе ни биде многу корисно во иднина, – гласи изјавата на Марин Крстевски.

 

View this post on Instagram

 

A post shared by RK Alkaloid (@rkalkaloid)