Пет имиња се на листата: Милан во акција за нови бекови

Милан не успеа да ја заокружи операцијата за трансфер на Арчи Браун кој на крајот се одлучи да го избере Фенербахче пред великанот од Милано.

Ова значи дека „росонерите“ ќе мора да го насочат вниманието кон други цели, односно да се доведат имиња кои ќе донесат квалитет на двете бековски позиции за тренерот Масимилијано Алегри.

Игли Таре како оперативец го има главниот збор и според „Газата Дело Спорт“ на листата се петмина фудбалери за десната и левата дефанзивна страна на теренот.

Прв на списокот е Гела Дуе од Стразбур, играч кој францускиот клуб бара 25 милиони евра плус бонуси, додека калочигашот досега нуди 15-18 милиони евра. Вандерсон од Монако е уште една опција, ама тој е поскап, додека тука е и Пубил од Алмерија за кого има интерес од премиерлигашот Вулверхемптон.

На левата страна опција е Мигуел Гутиерез од Џирона, Мелвин Бард од Ница, но на Милан му се нудат и други играчи и останува да се види кој ќе биде изборот на Таре, Алегри и Милан како клуб.