Падна петтиот фаворит: Бублик се погрижи за сензација и испиша историја на Ролан Гарос (Видео)

Александер Бублик обично е задолжен за забава и откачени поени со кои ги насмевнува тениските фанови, а како играч кој нема некој позначаен резултат во својата кариера, сега ја приреди најголемата сензација, а воедно и најголемиот успех за казахстанскиот тенис во машка конкуренција.

По одличните настапи на земјена подлога, Бублик пристигна со голема самодоверба на Ролан Гарос, па така денеска ја оствари и најголемата и најзначајна победа во кариерата.

Бублик го шокираше Џек Дрејпер и го надигра британскиот тенисер по четири одиграни сета, односно направи голем пресврт откако го загуби првиот со 5:7.

Александер возврати со агресивен тенис и ги доби наредните три со 6:3, 6:2 и 6:4, па за првпат покажаа и емоции на еден тениски терен.

Бублик се расплака по првото четвртфинале во кариерата на еден грен-слем турнир, што е и најголем резултат за еден Казахстанец во историјата.

Во оваа рунда, Бублик ќе чека ривал од последниот меч на денешната програма, а тоа е оној меѓу Синер и Рубљов.

Bublik getting emotional after his huge win 🥹#RolandGarros pic.twitter.com/vWy67qvaf1

— Roland-Garros (@rolandgarros) June 2, 2025

1 – Alexander Bublik has reached his first career Men’s Singles quarter-final at a Grand Slam event, becoming the first player representing Kazakhstan to achieve the feat in the Open Era. Historic. #RolandGarros | @rolandgarros @atptour @ATPMediaInfo pic.twitter.com/6LDn7K0nbo

— OptaAce (@OptaAce) June 2, 2025