Откачениот Муте освои луд поен против Ѓоковиќ, Србинот го проследи со насмевка (Видео)

Новак Ѓоковиќ успеа да го мине домашниот предизвик наречен Корентан Муте, па без загубен сет се пласираше во третото коло на Ролан Гарос.

Српскиот тенисер се соочи и со проблеми со плускавци во завршницата од третиот сет и мораше да прави пресврт за да ја реши работата во максимални три сета, но покрај високото ниво кое го презентираше, сепак и самиот Ноле не остана рамнодушен на еден луд потег кој го режираше ривалот.

Муте веќе некое време важи за „најлуда глава“ во светскиот тенис во отсуство на Ник Кирјос, па статусот на шоумен го потврди и на „Сузан Леглен“.

Станува збор за поен од завршницата на вториот сет, кога Муте успеа со лоб да се одбрани од една скратена топка на Новак, за потоа да режира вистинска лудорија со твинер на мрежа.

Наместо да решава наједноставно, Муте се одлучи за најсложен можен удар, а откако му успеа генијалноста, изнуди насмевка и од противникот.

COCOOO MOUTET 🇫🇷

C'était pas obligatoire, mais Coco est là pour nous donner du SHOWWW

Sympa la réaction de Novak aussi ! pic.twitter.com/YUklSSiHFe

— Romain 🎾🇫🇷 (@RomainNextGen) May 29, 2025