Нов потег на „црвено-црните“: Вардар го обезбеди потписот на Ристовски

Екипата на Вардар доведе уште едно ново засилување во зимскиот преоден рок, засилување кое ќе треба да ја освежи офанзивната линија на тимот.

Нов член на „црвено-црните“ е Марјан Ристовски кој доаѓа од редовите на Силекс. Вардар успеа да постигне договор со клубот од Кратово и популарниот Швајц ќе започне нова приказна во кариерата, поточно отвора ново поглавје по оние во Работнички, Борец, Тиквеш и Кожуф.

Ристовски има одиграно 106 натпревари во ПМФЛ, има постигнато 17 голови и забележано 18 асистенции, па дефинитивно неговото присуство ќе биде од големо значање за Вардар во битката за опстанок во најсилната македонска конкуренција.

foto:www.facebook.com/FKVardarSkopje

Кога се во прашање македонските прволигаши и во таборот на Шкупи има значајна промени, нивниот тим е посилен за Бесар Гуџуфи кој доаѓа во Чаир како позајмен играч од Бешикташ. Гуџуфи беше дел од младинските категории на Вардар, потоа замина во Беласица од каде во 2021 година му се приклучи на великанот од Истанбул.