Најдовски успешно опериран, следи период на закрепнување!

Филип Најдовски требаше да биде најголемо засилување за Вардар за оваа сеозна, но тој доживеа повреда за време на подготовките и не заигра на ниту еден официјален меч во актуелнава кампања.

На крајот му беше извршен оперативен зафат, операција која заврши успешно и сега му предстои процес на рехабилитација.

-Нашиот играч Филип Најдовски по успешната хируршка интервенција се чувствува одлично и ги поздравува сите навивачи на Вардар, заблагодарувајќи се на поддршката. За процесот на опоравувањето и враќањето во тренажниот процес клубот навремено ќе информира. Те чекаме што поскоро на терен Најдо, -порачаа од Вардар.

Инаку Најдовски требаше да биде столб на одбраната на „црвено-црните“ која е катастрофална во досегашниот тек, поточно заедно со онаа на Брера е втора најслаба (25) зад онаа на Воска Спорт (27)