Најбрзиот човек во светот ги „пецна“ НБА ѕвездите: Сами се прогласуваат за светски шампиони (Видео)

Светското првенство во атлетика во Будимпешта мина во знакот на Ноа Лајлс, фантастичниот спринтер кој успеа да ги обедени двата златни медали со триумфи на 100 и 200 метри.

Лајлс потврди дека во моментов е најбрз човек во светот и ја збогати својата колекција на медали од светските првенства, но во изминативе два дена е нависитна популарен во својата родна Америка и поради изјавата која ја даде од собирот во Унгарија.

Американскиот спринтер реши да ги „поздрави“ своите сонародници кои играат во НБА лигата, кои после секоја сезона во најсилната лига сами се прогласуваат за светски прваци со натписите на капите и маиците за време на шампионските прослави.

– Една од работите кои најмногу ме болат е тоа што морам да ги гледам НБА финалињата и да гледам натписи за „светски шампиони“ на нивните глави…..

– Светски шампиони на што? Светски шампиони на Америка? Немој да ме сфатите погрешно, јас ја сакам Америка понекогаш, но тоа не е целиот свет. Тоа не е светот, ние сме светот кои сме тука на Светско првенство. Тука ја имаме речиси секоја држава како се бори, спортистите го претставуваат знамето кое го носат. Нема знамиња во НБА лигата, – заклучи Лајлс кој со оваа теорија отвори голема дебата во Америка.

"I love the U.S… but that ain't the world!" ❌

Noah Lyles throws shade at the NBA's 'world champions' 🏀👀 pic.twitter.com/BRCJagckcK

— Eurosport (@eurosport) August 27, 2023