Надал откри како бил брутално истролан од Мари по елиминацијата на Реал: Класичен британски хумор (Видео)

Рафаел Надал во еден ден доживеа безброј моменти и спомени кои ќе ги памети до крајот на животот, но откако беше завршен и комплетиран целиот свечен чин во неговата чест на Ролан Гарос, шпанската легенда одржа и прес-конференција за новинарите на „Филип Шатрие“.

Присуството на неговите најгоелми три ривали во кариерата го направија историскиот ден уште повпечатлив, а откако една новинарка се обиде да дознае нешто повеќе за конверзацијата која ја имаа четворицата, Рафа откри една интересна анегдота со Енди Мари.

– Долго време немав остварено контакт со мојот добар пријател Енди, но денот кога Арсенал го победи Реал Мадрид, една секунда по крајот на мечот, добив порака.

– Ќе ви прочитам зошто беше навистина добра….. „Еј Рафа, не сум зборувал со тебе одамна… Само проверувам дали си добро“…..

– Потребни ми беа пет секунди да сфатам што читам, бидејќи прво мислев дека навистина ми поставува прашање за мене и моето семејство…… После тоа, сфатив дека е класичен британски хумор…., – откри Надал кој со својата информација слатко ги насмеа новинарите.

Рафа е познат како страствен фан на Реал Мадрид со години наназад, па очигледно е дека неговата љубов кон „кралскиот клуб“ знае да му донесе и комични ситуации како онаа со Енди.