Митровски „изнуди“ црвен картон, Хајдук со нoв кикс во трката за титулата (ВИДЕО)

Без победник заврши македонското дерби во хрватска или поточно соочувањето на Вараждин и Хајдук, пресметка во која имаше четворица наши фудбалери во составите на двете екипи.

Двајца од нив беа активни и го одиграа целиот натпревар, дефанзивецот Марио Младеновски и репрезентативецот Димитар Митровски, додека пак Ване Јованов и Александар Трајковски останаа на клупите за резерви.

Вук и Ливаја беа стрелци за головите (1-1), но Митровски беше инволвиран во можеби најважниот момент на натпреварот и тоа во 17 минута. Имено Димитар по еден близок контакт со Исмаил Диало падна на тревникот, а со помош на ВАР беше утврдено дека африканецот задал удар по што главниот судија му додели директен црвен картон.

Постои дилема дали Диало заслужи да биде исклучен, па и вие самите проценете ја оваа ситуација.