Митревски најдобар во Полска, Порто не успеа да го изненади Кјелце (ВИДЕО)

Порто на македонскиот репрезентативец Никола Митревски не успеа да направи изненадување на гостувањето кај Кјелце во Лигата на шампионите.

Португалскиот претставник беше надигран во првите 30 минути (19-14), меѓутоа во вториот дел покажа „заби“, квалитет, упорност и во самиот финиш дојде и на минус еден (30-29, 31-30) но на крајот домаќините беа тие што го потврдија триумфот за конечни 32-30.

Митревски имаше најдобар учинок од сите четири голмани кои настапија на оваа средба (од двете екипи), собра 7 интервенции или поточно имаше успешност на одбранети удари од 31.82 проценти.

Душебајев со 10 голови беше прв стрелец кај победниците, додека кај Порто по шест дадоа Итуриза и Руи Силва.