Манасков и Веспрем едно полувреме се носеа со Барселона, па се распаднаа во „Палау Блауграна“

Екипата на Барселона по втор пат во рок од само неколку дена го совлада Веспрем во Лигата на шампионите.

Каталонците во четвртокот славеа во Унгарија со 37-34, додека пак вечерва во својот дом во „Палау Блауграна“ го добија истиот противник со 37-30.

Ова беше средба во која унгарскиот гигант беше рамноправен во првиот дел кој заврши 15-15, но во продолженеиот беше прегазен од избраниците на Чави Пасквал кои со овој резултат ја продолжија фантастичната низа и сега имаат десет од десет во групана Б во елитната конкуренција.

Гомез Абело со 10 погодоци ја преводеше листата на стрелци кај Барса, Маркусен на спротивната страна даде 8 голови. Нашиот Дејан Манасков беше автор на еден погодок за Веспрем.

Во следната рунда Деки и компанија му гостуваат на Целје, шпанскиот првак пак се соочува со ППД Загреб.