Македонија напредуваше две места на најновата ФИФА ранг листа

Македонската фудбалска репрезентација имаше позитивен старт на новото издание на Лигата на нации каде на првите две средби против Ерменија и Грузија освои четири бодови, па токму овие резултати придонесоа нашиот национален тим да напредува на ФИФА ранг листата.

На најновата листа која денеска ја објави Светската фудбалска федерација (ФИФА) ние сме на 66 место што за нас е напредок за две позиции во однос на претходното рангирање.

Следниот наш противник репрезентацијата на Косово со која ќе играме наредниот месец во плејофот за пласман на ЕП се наоѓа на 116 место.

Кога е во прашање пак првата десетка таму број еден е Белгија по што следат Франција, Бразил, Англија, Португалија, Уругвај, Шпанија, Хрватска, Аргентина и Колумбија.