Легендарна реакција: Гвардиола „му симна капа“ на Агуеро по напаѓачкото ремек-дело против Кристал Палас (Видео)

Серхио Агуеро постигна спектакуларен гол против Кристал Палас со кој потврди дека се уште поседува огромен потенцијал во своите нозе, па во ситуација кога ги брои своите последни денови како член на Манчестер Сити, докажа дека се уште може да прави разлика на теренот.

Аргентинецот изведе фудбалска бравура во манир на врвен голгетер каков што е се години наназад, а еден од најрадосните по оваа атракција беше Пеп Гвардиола, кој покажуваше гестикулации со кои „му симна капа“ на својот напаѓач.

Агуеро веднаш покажување во правец кон шпанскиот стручњак откако погоди за 0:1, а овој му возврати со голем восхит и воодушевување за погодокот кој го постигна. Манчестер Сити на крајот победи со 0:2 на „Селхрс Парк“ и ја стави едната рака на трофејот од Премиер лигата, а Пеп не штедеше комплименти за неговиот напаѓач во прес-центарот.

– Каков гол, каква акција, каков играч, каков човек……….

– Апсолутно сум пресреќен што се врати онаму каде што сакаше, се врати во форма и пресреќен сум за тоа. Ќе уживаме во неговите игри до последниот ден. Со овој гол, покажа што поседува се уште во својот репертоар. Го сакам како личност, неверојатно момче, – изјави Гвардиола.