Куман: Сигурен сум дека ќе станеме шампиони доколку одработиме како што треба

Роналд Куман нема да биде на клупата на Барселона за време на неговото враќање на „Месталја“, стадион на кој дефинитивно не е омилен лик после лошата авантура која ја имаше во Валенсија како тренер на првито тим пред повеќе до 10 години.

Холандскиот стручњак најави дека ќе ја обжали одлуката на дисциплинците и се надева дека ќе може да го води тимот на следното дерби со Атлетико Мадрид, кое може да одговори многу прашања околу тоа кој ќе влезе како прв фаворит за титулата во Примера во последните три кола.

На пет кола до финишот, четири тима се во три бода и Куман смета дека сите имаат шанси за трофејот, но потенцира дека неговиот тим ќе стане првак доколку победи на последните пет средби, започнувајќи утре на гости кај Валенсија.

– Ако победиме на последните пет натпревари, уверен сум дека ние ќе бидеме шампиони. Ако одработиме како што треба се до крајот, ние ќе бидеме шампиони. Секако дека беше тежок удар поразот од Гранада, особено поради фактот како примивме два гола.

– Оваа сезона се докажа дека Ла Лига е многу изедначена, има многу добри тимови при врвот. Четири тима се борат за титулата, не двојат само три бода. Ако не си добар во еден меч и ако не си максимално посветен, скапо го плаќаш тоа. Ние скапо плативме пред два дена. Нема супериорен тим, се е многу изедначено и ова е доказ дека Ла Лига е најинтересно натпреварување, – изјави Куман.