Јамал си посака две големи роденденски желби по повод својот 18. роденден (Видео)

Ламин Јамал освои многу големи работи во тинејџерските години, а сега на денот кога стана полнолетен, младата ѕвезда на Барселона си посака две желби по повод 18-от роденден.

Шпанскиот репрезентативец денеска полни 18 години и со славеничко расположение се појави на подготовките на Барселона, но ја искористи шансата за да даде и една роденденеска изјава.

Јамал на 17 години успеа да ги освои титулите во Ла Лига, Копа дел Реј и Суперкупот, но исто така, минатото лето стана и европски шампион во првите неколку дена како 17-годишник.

Во оваа рана фаза од кариерата, на Јамал му недостасуваат само две големи титули, па самиот си ги побара истите како единствена спортска желба во годината која претстои.

– На 18 години барам да го имам она што го имав на 16 и 17 години, плус титулите кои ми недостасуваат. Мислам на Светското првенство и Лигата на шампиони.

– Мојот менталитет ми кажува дека морам да одам и да победам на секој меч. Не размислувам на фактот што имам толку многу години пред себе за играње. Сакам да победам сега и ќе дадам се од себе за да го постигнам тоа. На фановите можам да им кажам дека Лигата на шампионите ќе се врати дома, а јас исто така се стремам и кон титула на Светското првенство, – порача Јамал.

🎂 The birthday boy has his wish list ready.

✅ @BarcaOneFCB pic.twitter.com/ax1GXcXg59

— FC Barcelona (@FCBarcelona) July 13, 2025