Хајдук со оригинално видео му се заблагодари на Гатузо

Џенаро Гатузо направи изненадувачки потег минатото лето и реши да пристигне во Хрватска, а водењето на сплитскиот великан Хајдук му донесе една тешка и исцпрувачка сезона, по која самиот реши да си замине по последното натпреварувачко коло.

Популарниот Рино ја разбуди страста на „Пољуд“ и успеа да ги освои симпатиите меѓу страствените навивачите на Хајдук, па иако голем број од нив му даваа поддршка, Гатузо порача дека е време за пауза поради фактот што се чувствува исцрпено и без доволно енергија да го води тимот и во иднина.

– Една година во Хајдук е како пет години на друго место. Ви благодарам за се, ме примивте како свој и вечно ќе бидам благодарен, – изјави Рино на заминување.

Хајдук денеска официјално информираше дека договорот со Италијанецот е раскинат, па во негова чест, одработи и специјално видео преку клупската телевизија.

– Мистер, ти благодариме за се и имаме најдобри желби за продолжението од вашиот живот и тренерската кариера!