Хајдук прими неверојатен гол од слободен удар: Спиеш ли мирно Деклан Рајс? (Видео)

Александар Трајковски се покажа како „џокерот“ на Џенаро Гатузо и со гол во 98-та минута спречи болен пораз на Хајдук на домашен терен, но ако треба да се бира уште еден момент кој го одбележа натпреварот на „Пољуд“, тогаш тоа дефинитивно е голот кој го постигна Фран Карачиќ.

Локомотива се погрижи за „студен туш“ во Сплит во судиското продолжение од првото полувреме, и тоа на начин кој со право е коментиран во хрватската спортска јавност.

Капитенот Карачиќ изведе спектакуларен слободен удар и донесе водство за Локомотива пред самиот крај на првиот дел, а силината со кој топката влезе во голот направи Лучиќ да има невозможна мисија.

Цела оваа мајсторија беше зачинета и со оригинална реакција од страна коментаторот на „МаксСпорт“, кој ова ремек-дело го спореди со она на Деклан Рајс против Реал.

– Спиеш ли мирно Деклан Рајс, – гласи коментарот кој направи ова видео да биде уште посподелувано во Хрватска.

⚽️HAJDUK – LOKOMOTIVA 0:1 – Kakva golčina Frana Karačića! #supersporthnl #hnl #hajduk #lokomotiva pic.twitter.com/gTnCXQVQah

— sportnet|HR (@sportnet_HR) April 13, 2025