Големо засилување: Прославен хрватски репрезентативец ќе му стане соиграч на Трајковски во Хајдук

Хајдук веќе некое време се обидува да се врати на врвот на хрватскиот фудбал, а нова можност ќе има во оваа сезона во која екипата ќе биде предводена од Џенаро Гатузо.

Меѓутоа Италијанецот нема да биде единственото големо познато име кое ќе биде дел од проектот на тимот од Сплит затоа што на „Пољуд“ ќе пристигне поранешниот хрватски репрезентативец Иван Ракитиќ.

Некогашниот ас на Шалке, Барселона и Севилја ќе го напушти Ал Шабаб и ќе се врати дома со потпис за Хајдук, тим од кој е дел нашиот репрезентативец Александар Трајковски.

Секогаш добро информираниот Фабрицио Романо пренесува дека се работи за соработка со важност до 30 јуни 2026 година.

Иван има 36 години, но никогаш нема настапувано за тим од Хрватска со оглед на тоа што е роден во Швајцарија и низ животот, кариерата минуваше низ некои други патишта.