Ѓоковиќ внимателен пред осминафиналниот предизвик на Вимблдон: Ова ќе биде голем тест за мене…

Новак Ѓоковиќ имаше добри изданија во досегашниот тек на Вимблдон каде има цел да дојде до самиот крај и да ја освои титулата.

Меѓутоа мора да се оди чекор по чекор, а најновиот предизвик ќе дојде денеска во осминафиналната рунда каде противник ќе му биде Алекс Де Минор.

Рекетот од Австралија е 11. на светот, знае да биде незгоден, опасен и за тоа е свесен српскиот ас.

-Тој напредуваше многу во последните години. Тој го игра тенисот на својот живот. Дефинитивно тропа на вратата на завршните фази на грен слем турнирите. Неколку пати беше во четвртфиналето. Минатата година за жал мораше да се повлече поради повреда, но сега е назад, блиску. Игра добро, брз е и е комплетен играч.

-По сервисот, тој го зголемува ритамот, многу добро ги погодува посакуваните точки на теренот. Ќе биде голем тест да видам каде е мојата игра во моментов против врвен играч како Алекс, -порача Ѓоковиќ.

Мечот е закажан од 14:30 часот.