Фердинанд со сигурен тип за тоа кој ќе ја освои титулата во ЛШ: Очекувам статуа за нивниот тренер

Рио Фердинанд типуваше дека ќе гледаме финале меѓу Реал Мадрид и ПСЖ по комплетираните резултати во четвртфиналето во Лигата на шампионите, став на кој сега се надоврза со ново предвидување, со кое најголема поддршка им даде на „светците“.

ПСЖ лани играше во финалето во Лисабон и загуби од моќниот Баерн Минхен кој изгледаше несопирливо, па токму поради тоа искуство, Рио смета дека составот на Покетино нема да погреши и ќе оствари победа доколку се најде во финалето во Истанбул, градот домаќин за оваа година.

– Верувам дека ПСЖ ќе стане шампион оваа сезона, сметам дека тие ќе победат во Лигата на шампионите, – порача Рио Фердинанд на својот јутјуб канал и се надополни.

– Фудбалерите на ПСЖ го имаат искуството од минатата сезона, имаат двајца страшни играчи и напаѓачи во Нејмари Мбапе и што е најважно, сега знаат како се игра во едно финале.

– Неважно ќе биде и да не ја освојат француската Лига, ако ја освои Лигата на шампионите, Покетино ќе ги надмине сите претходни тренери, тој дојде во ПСЖ за тоа. Не треба да се заборави дека дојде на средина на сезоната, тоа што го прави е фантастично. Го гледам ПСЖ како фаворит откако ги елиминираше Барса и Баерн, ако победат на крајот, Покетино ќе добие статуа во Париз, – додава Фердинанд.