Деби погодок на Тодороски, ТСЦ ја прекина лошата резултатска серија (ВИДЕО)

Македонскиот фудбалер, Андреј Тодороски го постигна својот прв гол во дресот на ТСЦ Бачка Топола и тоа во пресметката со Чукарички во првата лига на Србија.

Во претходната рунда нашиот интернационалец забележа асистенција во соочувањето со Нови Пазар, додека пак вечерва ја најави победата на неговата екипа. Имено Андреј се најде на вистинското место и го отвори резултатот во 31 минута.

Со овој резултат од 1-0 се заврши првото полувреме за да во вториот дел паднат по еден гол во двете мрежи за конечни 2-1 за домаќинот кој на овој начин ја прекина лошата резултатска серија и прослави прв триумф во шампионатот од 26 декември.

Инаку Тодороски во тековнава сезона има 7 гола и 5 асистенции во најсилната фудбалска конкуренција кај нашиот северен сосед.