Беретини по големата победа над Ѓоковиќ: Ова подолго време сакав да го направам

Матео Беретини направи изненадување и го совлада Новак Ѓоковиќ на АТП турнирот од серијата 500 во Доха.

Италијанецот веќе некое време не е меѓу најдобрите на светот, но се работи за ас кој во минатото има покажано дека е квалитетен, знае да се носи со најквалитетните, да освојува титули, па против Ѓоковиќ одигра на високо ниво и со 7-6(4), 6-2 дојде до прво славје над Топ 10 тенисер од јануари 2023 година.

-Ова сакав да го направам долго време. Играв со него на најважните турнири. Имав чест и задоволство да играм против него. Посакувам да победев на некој од тие натпревари.

-Работев напорно за да се вратам овде и да бидам на ова ниво. Знам дека моето ниво е високо, само ми требаа вакви натпревари. Работев напорно во претходните месеци и денес сè функционираше. Уживам овде и тоа е најважно, -порача Беретини за кого ова беше прво славје во петтиот меч со најдобриот српски тенисер.