Бекер: Ѓоковиќ нека се запраша зошто и понатаму игра

Новак Ѓоковиќ го заврши настапот на Ролан Гарос и тоа во полуфиналето каде подобар од него беше првиот светски рекет Јаник Синер.

Иако Ѓоковиќ даде отпор на крајот се беше решено во три сета со 6-4, 7-5 и 7-6 што е потврда дека во моментов Синер е на повисоко ниво.

Останува дилема до кога Новак ќе игра, прашање кое едноставно постојано се поставува со оглед на тоа што веќе на сцената ги нема неговите најголеми ривали, тој дојде до сите титули, цели, но засега Србинот останува на терените иако и тој самиот срамежливо најавува повлечување ако се суди по изјавата по поразот од Синер дека ова можеби беше последен негов Ролан Гарос.

-На 38 години, неговата година беше просечна – полуфиналето во Мелбурн беше добро, финалето во Мајами беше одлично, но потоа земјените терени, освен во Женева, беа под стандардот. И да, треба да се запраша, ако не победува доволно, зошто би продолжил да игра? Мислам, сака да ја освои својата 25-та грен слем титула, тоа е неговата це, -вели Борис Бекер кој во минатото работеше со Ѓоковиќ.

Наредниот предизвик за Ноле е Вимблдон.

-Тој е добар на трева, полесно му е на трева отколку на земја. Со оглед на тоа како играше оваа недела, зошто да не? За една година, којзнае дали повторно ќе го видиме на Ролан Гарос, -додаде Бекер.