Ањели проговори за контроверзните преговори со Суарез и неговото лажирање во Перуџа

Претседателот на Јувентус, Андреа Ањели даде опширен коментар за ситуацијата со Луис Суарез која беше главна тема во летниот преоден рок.

Суарез сам се понудил на Јувентус, а за да може да реализира трансфер во Торино поддал докуемнти за италијанско државјанство, па потоа беше обвинет за лажирање на тестот по италијански јазик.

Италијанските власти за целиот случај поведија постапка, а меѓу интервјуираните лица бил и Андреа Ањели кој сега даде и коментар на оваа тема.

– Тие преговори ги водече Паратичи, а во тој момент бевме во преговори и со Џеко. Се сеќавам дека Павел Недвед ми кажа дека Суарез сам се понудил со порака. Преговаравме со неколку фудбалери меѓу кои Џеко, Милик, Кавани и Мората, кој потоа и потпиша за Јувентус. На почетокот на септември бев информиран дека трансферот на Суарез ќе биде тежок поради тоа што му треба италијански пасош, -изјави Ањели.