Алушовски: Направивме многу грешки во нападот, тоа беше пресудно за поразот

Екипата на Вардар претрпе пораз од Порто со 27-24 на вечерашното гостување во Португалија во Лигата на шампионите.

„Црвено-црните“ не беа константни, имаа добри и лоши моменти, па го загубија овој меч кој е прв од низата на дуели во овој месец во елитното натпреварување

-Честитки до Порто за победата. Може да кажам дека бевме добри на стартот на мечот, особено во одбраната. Потоа имавме проблеми со нападот, Порто не казнуваше со голови од контри. Во последните минути направивме многу грешки во нападот, додавањата и тоа беше пресудно за поразот. Мораме да гледаме напред затоа што имаме многу натпревари во февруари, -истакна тренерот Стевче Алушовски.

Следниот натпревар за Вардар е против ПСЖ на Раул Гонзалес и Даинис Криштопанс.