Алкарас со лесен триумф ја започна мисијата „одбрана на титулата во Париз“

Карлос Алкарас вчера беше дел од големиот спектакл во чест на Рафаел Надал и како фан плус на трибините му оддаде признание на својот славен сонародник, а еден ден подоцна, фантастичниот Карлито истрча на централниот терен во Париз.

Алкарас како бранител на титулата тргна во походот наречен „одбрана на трофејот“, а негова прва пречка беше Италијанецот Џулио Цепиери.

Сосема очекувано, фаворитот немаше никаков проблем и без многу непријатности се пласираше во втората рунда на Ролан Гарос, со тоа што најдобриот тенис го задржа за крај.

Алкарас во првиот и вториот сет правеше само по еден брејк за 6:3 и 6:4, додека во третиот беше најубедлив и славеше со 6:2.

Шпанецот на овој начин одлично ја стартуваше својата нова мисија на Ролан Гарос, турнир на кој во второто коло ќе игра против Фабијан Марошан.