Синер без загубен сет до полуфиналето на Ролан Гарос

Јаник Синер е третиот полуфиналист на годинешното издание на Ролан Гарос, а таквиот статус си го обезбеди со убедлива победа над Александер Бублик.

Првиот носител во Париз одлично го отвори мечот и со два брејка го доби првиот сет со 6:1, но во продолжението налета на посилен отпор на Казахстанецот кој одигра на повисоко ниво во вториот сет.

Бублик стигна до дванаесетти гејм, но не и тај-брејк, бидејќи Синер направи брејк за 6:5, а потоа и го потврди сетот на свој сервис.

Четвртфиналето беше комплетирано со максимални 6:0 во третиот сет и потврда на пласманот на Синер меѓу четворицата најдобри на турнирот.

Противник  на Италијанецот во полуфиналето ќе му биде победникот од дуелот меѓу Ѓоковиќ и Зверев.