Пиоли за спорниот гол на Лацио: Не разбирам зошто не беше досуден прекршок (Видео)

Милан загуби убедливо на дербито со Лацио во Рим, а гостите имаа забелешки за вториот гол, кој беше постигнат по контра на домашниот состав.

„Росонерите“ се убедени дека Лацио ја освоил топката со прекршок над Чалханоглу, судијата Орсато беше повикан да ја прегледа ВАР снимката, но интересно, реши да не ја промени првичната одлука и го призна погодокот на Кореја.

По натпреварот, тренерот на Милан, Стефано Пиоли, не пропушти да го коментира овој, можеби и решавачки момент.

– Искрено, не разбирам зошто не беше досуден прекршок над Чалханоглу. Судијата беше да го прегледа видеото и невозможно е да не видел дека Леива целосно ја промаши топката и направи фаул, – изјавил Пиоли.

Милан сега има пет бодови повеќе од Лацио, но римскиот тим има натпревар помалку.